Ciclo integral

Ciclo integral

A auga é un gran tesouro que podemos atopar na nosa contorna: no mar, nos ríos, nos pantanos… pero para que chegue ata as nosas casas, escolas, parques, industrias… e podérmola beber, lavarnos con ela, nadar na piscina, ver medrar as flores do xardín… cómpre que a auga siga un proceso coidadoso. Ese é o labor de Aqualia e invitámoste a descubrir aquí, con máis detalle, as fases deste apaixonante ciclo.

Orixe e procedencia da auga

Captacións

Operador: Aqualia (CIF A26019992)

Propietario: Concello de Vigo

O Concello de Nigrán compra a totalidade da auga do abastecemento ao Concello de Vigo. A auga captada no encoro de Zamáns (CÓDIGO SINAC 2.527) é conducida ata a ETAP de Nigrán unha tubaxe de fundición dúctil de 500 mm de diámetro e 11 km de lonxitude.

Tratamento de auga potable

Operador: Aqualia (CIF A26019992)

Propietario: Concello de Nigrán

Toda a auga subministrada é tratada na Estación de Tratamento de Auga Potable de Nigrán (CÓDIGO SINAC 1.924), o caudal de deseño é de 200 l/s.

Os procesos unitarios de tratamento son os seguintes:

1. Desinfección (en uso)
2. Ozonización (extraordinaria)
3. Corrección de pH (extraordinaria)
4. Coagulación-floculación (extraordinaria)
5. Decantación (en uso)
6. Filtración con leito filtrante (en uso)
7. Desinfección (en uso)

Recloración no Depósito de Parada.

Depósitos

Operador: Aqualia (CIF A26019992)

Propietario: Concello de Nigrán

A rede de distribución de Nigrán está formada por 3 depósitos, dos cales 2 son semisoterrados (Depósito de cabeceira de Nigrán e Depósito de distribución de Parada) e 1 é superficial (Depósito de distribución Priegue) todos estes son de formigón e teñen unha capacidade de almacenamento de 17.300 m³.

Redes de distribución

Xestor: Aqualia (CIF A26019992)

Propietario: Concello de Nigrán

A rede de distribución denomínase Rede de Nigrán (Rede NIGRÁN-ZA NIGRÁN - Código SINAC 20.307). Trátase dunha rede ramificada de aproximadamente 187,3 quilómetros de tubaxes de fundición, polietileno e PVC.